Language Translate Widget for WordPress – ConveyThis

ਅਕਸਰ ਪੁੱਛੇ ਜਾਂਦੇ ਸਵਾਲ

ConveyThis ਦੀ ਸਥਾਪਨਾ ਲਈ ਘੱਟੋ-ਘੱਟ ਲੋੜਾਂ ਕੀ ਹਨ?

• ਵਰਡਪ੍ਰੈੱਸ 4.0 ਜਾਂ ਇਸ ਤੋਂ ਉੱਚਾ
• PHP ਸੰਸਕਰਨ 5.3 ਜਾਂ ਇਸ ਤੋਂ ਉੱਚਾ

ਕੀ ਮੈਂ ਆਪਣੀ ਸਾਈਟ ਦੇ ਅਨੁਵਾਦਾਂ ਨੂੰ ਸੋਧ ਸਕਦਾ(ਦੀ) ਹਾਂ?

ਹਾਂ, ਤੁਸੀਂ ਆਪਣੇ ਖਾਤੇ ਵਿੱਚ ਮੇਰੇ ਅਨੁਵਾਦ ਟੈਬ ‘ਤੇ ਆਪਣੇ ਅਨੁਵਾਦ ਦੀ ਸੋਧ ਕਰ ਸਕਦੇ ਹੋ। ਸਾਰੀਆਂ ਤਬਦੀਲੀਆਂ ਤੁਹਾਡੀ ਸਾਈਟ ‘ਤੇ ਦਿਖਾਈਆਂ ਜਾਣਗੀਆਂ।

ਕੀ ਖੋਜ ਇੰਜਣ (ਗੂਗਲ, ਯੈਨਡੈਕਸ, ਬਿੰਗ, ਆਦਿ) ਅਨੁਵਾਦਤ ਪੰਨਿਆਂ ਨੂੰ ਤਤਕਰਿਆਂ ਵਿੱਚ ਸ਼ਾਮਲ ਕਰਨਗੇ?

ਬਿਲਕੁਲ। ConveyThis ਚੁਣੀ ਹੋਈ ਭਾਸ਼ਾ ਦੇ ਅਧਾਰ ’ਤੇ ਇੱਕ ਵਿਲੱਖਣ URL-ਅਗੇਤਰ ਬਣਾਉਂਦਾ ਹੈ (ਜਿਵੇਂ: /ru/ ਰੂਸੀ ਲਈ ਜਾਂ /es/ ਸਪੇਨੀ ਲਈ), ਜਿਹਨਾਂ ਨੂੰ ਖੋਜ ਇੰਜਣਾਂ ਵੱਲੋਂ ਤਤਕਰੇ ਵਿੱਚ ਸ਼ਾਮਲ ਕੀਤਾ ਜਾਵੇਗਾ।

ਕੀ ConveyThis ਅਨੁਵਾਦ ਮੇਰੀ ਥੀਮ/ਪਲੱਗਇਨ ਦੇ ਅਨੁਰੂਪ ਹੈ?

ਹਾਂ! ConveyThis ਅਨੁਵਾਦ ਤੁਹਾਡੀ ਸਾਰੀ ਸਮੱਗਰੀ, ਜਿਸ ਵਿੱਚ ਪੰਨੇ ‘ਤੇ ਸਿੱਧੇ ਤੌਰ ‘ਤੇ ਨਾ ਦਿਖਣ ਵਾਲੀ ਮੈਟਾ ਲਿਖਤ ਤੇ ਹੋਰ ਚੀਜ਼ਾਂ ਵੀ ਸ਼ਾਮਲ ਹਨ, ਦਾ ਉਚੇਚੇ ਤੌਰ ‘ਤੇ ਇੱਕ “ਸਨੈਪਸ਼ਾਟ” ਲੈਂਦਾ ਹੈ, ਫਿਰ ਇਸ ਲਿਖਤੀ ਡਾਟੇ ਦੀ ਵਰਤੋਂ ਕਰਕੇ ਅਨੁਵਾਦਾਂ ਦਾ ਨਿਰਮਾਣ ਜਾਂ ਉਹਨਾਂ ਨੂੰ ਪ੍ਰਾਪਤ ਕਰਦਾ ਹੈ। ਇਸ ਢੰਗ ਨਾਲ ਆਪਣੀ ਸਾਈਟ ਦੀ ਸਮੱਗਰੀ ਦਾ ਅਨੁਵਾਦ ਕਰਨ ਨਾਲ, ਤੁਹਾਨੂੰ ਕਦੇ ਵੀ ਆਪਣੀ ਥੀਮ ਬਦਲ ਸਮੇਂ ਜਾਂ ਨਵੀਂ ਪਲੱਗਇਨ ਜੋੜਨ ਸਮੇਂ ਆਪਣੀ ਸਾਈਟ ਦੇ ਅਨੁਵਾਦਤ ਸੰਸਕਰਨ ਦੇ ਪ੍ਰਭਾਵਿਤ ਹੋਣ ਬਾਰੇ ਚਿੰਤਾ ਕਰਨ ਦੀ ਲੋੜ ਨਹੀਂ ਪਵੇਗੀ।

ConveyThis ਅਨੁਵਾਦ ਹਮੇਸ਼ਾ ਤੁਹਾਡੀ ਸਾਈਟ ‘ਤੇ ਸਾਰੀ ਸਮੱਗਰੀ ਦਾ ਅਨੁਵਾਦ ਕਰਨ ਦੇ ਯੋਗ ਹੋਵੇਗਾ!

ਮੇਰੇ ਅਨੁਵਾਦ ਕਿਉਂ ਨਹੀਂ ਦਿਖਾਈ ਦਿੰਦੇ?

ਤੁਹਾਡੀ ਵੈੱਬਸਾਈਟ ’ਤੇ ਤੁਹਾਡੇ ਅਨੁਵਾਦ ਨਾ ਦਿਖਾਈ ਦੇਣ ਦੇ ਤਿੰਨ ਸੰਭਾਵੀ ਕਾਰਨ ਹੋ ਸਕਦੇ ਹਨ:

1. ਤੁਹਾਡੀ ਪਲੱਗਇਨ ਸੈੱਟ ਨਹੀਂ ਕੀਤੀ ਗਈ। ਇਹ ਯਕੀਨੀ ਬਣਾਓ ਕਿ ਤੁਸੀਂ ਆਪਣੀ ਸਾਈਟ ਦੀ ਸਰੋਤ ਭਾਸ਼ਾ ਚੁਣੀ ਹੋਈ ਹੈ ਤੇ ਫਿਰ ਉਹ ਭਾਸ਼ਾਵਾਂ ਚੁਣੀਆਂ ਹੋਈਆਂ ਹਨ ਜਿਹਨਾਂ ਵਿੱਚ ਤੁਸੀਂ ਆਪਣੀ ਸਾਈਟ ਨੂੰ ਉਪਲਬਧ ਕਰਵਾਉਣਾ ਚਾਹੁੰਦੇ ਹੋ। ਸੈੱਟਅਪ ਨੂੰ ਪੂਰਾ ਕਰਨ ਲਈ ਸਾਂਭੋ ਬਟਨ ’ਤੇ ਵੀ ਕਲਿੱਕ ਕਰੋ।
2. ਕੋਈ ਹੋਰ ਸਕ੍ਰਿਪਟ ਜਾਵਾਸਕ੍ਰਿਪਟ ਲਈ ਵਿਵਾਦ ਦਾ ਕਾਰਨ ਬਣ ਕੇ ਇਸ ਪਲੱਗਇਨ ਨੂੰ ਚੱਲਣ ਤੋਂ ਰੋਕ ਰਹੀ ਹੈ। ConveyThis ਅਨੁਵਾਦ ਆਪਣਾ ਕੰਮ ਕਰਨ ਲਈ ਜਾਵਾਸਕ੍ਰਿਪਟ ’ਤੇ ਨਿਰਭਰ ਕਰਦੀ ਹੈ, ਅਤੇ ਜੇ ਹੋਰ ਕੋਈ ਪਲੱਗਇਨ ਗਲਤੀ ਜ਼ਾਹਰ ਕਰੇ ਜਾਂ ਕੋਈ ਹੋਰ ਅਪਵਾਦ ਜੋ ਕਿ ਜਾਵਾਸਕ੍ਰਿਪਟ ਨੂੰ ਠੀਕ ਢੰਗ ਨਾਲ ਚੱਲਣ ਤੋਂ ਰੋਕੇ, ਤਾਂ ਇਹ ਦਿਖਾਏ ਜਾਣ ਵਾਲੇ ਅਨੁਵਾਦਾਂ ਨਾਲ ਸਮੱਸਿਆਵਾਂ ਪੈਦਾ ਕਰ ਸਕਦੀ ਹੈ। ਆਪਣੀਆਂ ਹੋਰਾਂ ਪਲੱਗਇਨਾਂ ਨੂੰ ਇੱਕ-ਇੱਕ ਕਰਕੇ ਬੰਦ ਕਰਕੇ ਇਹ ਦੇਖਣ ਦੀ ਕੋਸ਼ਿਸ਼ ਕਰੋ ਕਿ ਕਿਤੇ ਉਹ ਤਾਂ ਇਸ ਵਿਵਾਦ ਦਾ ਕਾਰਨ ਨਹੀਂ ਬਣ ਰਹੀਆਂ।
3. ਤੁਸੀਂ ਆਪਣੀ ਯੋਜਨਾ ਦੀ ਹੱਦ ਨੂੰ ਪਾਰ ਕਰ ਚੁੱਕੇ ਹੋ। ਜੇ ਤੁਸੀਂ ਆਪਣੀ ਗਾਹਕੀ ਯੋਜਨਾ ਵਿੱਚ ਤੈਅ ਗਿਣਤੀ ਤੋਂਂ ਵੱਧ ਤੋਂ ਭਾਸ਼ਾਵਾਂ ਜੋੜਦੇ ਹੋ, ਜਾਂ ਆਪਣੀ ਗਾਹਕੀ ਯੋਜਨਾ ਵਿੱਚ ਤੈਅ ਸ਼ਬਦਾਂ ਜਾਂ ਅਨੁਵਾਦਾਂ ਦੀ ਗਿਣਤੀ ਦੀ ਹੱਦ ਟੱਪਦੇ ਹੋ, ਤਾਂ ਇਹ ਤੁਹਾਡੀ ਸਾਈਟ ‘ਤੇ ਅਨੁਵਾਦਾਂ ਦਾ ਨਾ ਦਿਖਣ ਦਾ ਕਾਰਨ ਬਣ ਸਕਦਾ ਹੈ। ਜਦੋਂ ਤੁਸੀਂ ਪ੍ਰਸ਼ਾਸਕ ਵਜੋਂ ਲੌਗ ਇਨ ਹੋਵੋ ਤਾਂ ਆਪਣੇ ਪੰਨਿਆਂ ਅਤੇ ਪਲੱਗਇਨ ਦੇ ਰੂਪ-ਰੇਖਾ ਵਾਲੇ ਪੰਨੇ ਨੂੰ ਧਿਆਨ ਨਾਲ ਦੇਖੋ ਅਤੇ ਸਮੱਸਿਆਵਾਂ ਸਬੰਧੀ ਸੁਨੇਹਿਆਂ ਦੀ ਭਾਲ ਕਰੋ। ਤੁਸੀਂ https://www.conveythis.com/ ‘ਤੇ ਆਪਣੇ ਖਾਤੇ ਵਿੱਚ ਲੌਗ ਇਨ ਕਰਕੇ ਵਰਤੋਂ ਦੇ ਤਾਜ਼ੇ ਅੰਕੜੇ ਅਤੇ ਹੋਰ ਸਬੰਧਤ ਡਾਟਾ ਵੀ ਦੇਖ ਸਕਦੇ ਹੋ।

ਕੀ ਮੈਂ ConveyThis ਅਨੁਵਾਦ ਨੂੰ ਆਪਣੀ ਥੀਮ ਨਾਲ ਬੰਡਲ ਵਿੱਚ ਬੰਨ੍ਹ ਸਕਦਾ ਹਾਂ?

ਨਹੀਂ, ਤੁਸੀਂ ConveyThis ਅਨੁਵਾਦ ਪਲੱਗਇਨ ਨੂੰ ਬਿਨਾਂ ਇਜਾਜ਼ਤ ਲਏ ਆਪਣੀ ਥੀਮ ਨਾਲ ਬੰਡਲ ਵਿੱਚ ਬੰਨ੍ਹ ਨਹੀਂ ਸਕਦੇ।

ਜੇ ਤੁਸੀਂ ਵਰਡਪ੍ਰੈੱਸ ਥੀਮ ਡਿਵਲਪਰ ਹੋ ਅਤੇ ConveyThis ਅਨੁਵਾਦ ਨੂੰ ਪਲੱਗਇਨ ਵਜੋਂ, ਜਾਂ ConveyThis ਅਨੁਵਾਦ ਨੂੰ ਕਿਸੇ ਵੀ ਤਰ੍ਹਾਂ ਆਪਣੇ ਉਤਪਾਦਾਂ ਨਾਲ ਜੋੜ ਕੇ ਉਪਲਬਧ ਕਰਵਾਉਣਾ ਚਾਹੁੰਦੇ ਹੋ, ਤਾਂ https://www.conveythis.com/ ‘ਤੇ ਪਹੁੰਚੋ ਅਤੇ ਲਸੰਸ ਤੇ ਹੋਰ ਮੁੱਦਿਆਂ ਬਾਰੇ ਚਰਚਾ ਕਰਨ ਲਈ ਸਾਡੇ ਨਾਲ ਸੰਪਰਕ ਕਰੋ।

ਮੇਰੀ ਲਿਖਤ ??????? (ਪ੍ਰਸ਼ਨ ਚਿੰਨ੍ਹਾਂ) ਵਾਂਗ ਕਿਉਂ ਦਿਖ ਰਹੀ ਹੈ?

ਜੇ ਤੁਹਾਡੀ ਸਾਈਟ ਦੀ ਲਿਖਤ ? (ਪ੍ਰਸ਼ਨ ਚਿੰਨ੍ਹ) ਜਾਂ ਚੌਰਸ/ਆਇਤਾਕਾਰ ਚਿੰਨ੍ਹ ਵਜੋਂ ਦਿਖ ਰਹੀ ਹੈ, ਤਾਂ ਇਹ ਆਮ ਤੌਰ ‘ਤੇ ਐਨਕੋਡਿੰਗ ਦੀ ਸਮੱਸਿਆ ਕਾਰਨ ਹੁੰਦਾ ਹੈ।

ConveyThis ਅਨੁਵਾਦ ਅਨੁਵਾਦਾਂ ਨੂੰ UTF-8 ਐਨਕੋਡਿਡ ਸਟਰਿੰਗ ਡਾਟੇ ਵਜੋਂ ਸਾਂਭਦਾ ਹੈ। ਆਪਣੇ ਮੂਲਪਾਠ ਨੂੰ ਠੀਕ ਢੰਗ ਦਿਖਾਉਣ ਲਈ, ਆਪਣੇ ਪੰਨਿਆਂ ਨੂੰ UTF-8 ਐਨਕੋਡਿੰਗ ਨਾਲ ਰੈਂਡਰ ਕਰਨਾ ਚਾਹੀਦਾ ਹੈ। ਤੁਸੀਂ ਇਸ ਬਾਰੇ ਹੋਰ ਵਧੇਰੇ ਜਾਣਕਾਰੀ ਇੱਥੋਂ ਪ੍ਰਾਪਤ ਕਰ ਸਕਦੇ ਹੋ: https://codex.wordpress.org/Converting_Database_Character_Sets

ਨਾਲ ਹੀ, ਇਹ ਵੀ ਯਕੀਨੀ ਬਣਾਓ ਕਿ ਥੀਮ ਦੀਆਂ ਸਾਂਚੇ ਵਾਲੀਆਂ ਫਾਇਲਾਂ UTF-8 ਐਨਕੋਡਿਡ ਫਾਇਲ ਕਿਸਮਾਂ ਵਜੋਂ ਸਾਂਭੀਆਂ ਹਨ, ਅਤੇ ਤੁਹਾਡੇ ਬਲੌਗ ਦੇ ਹੈਡਰ ਦਾ charset ਮੁੱਲ UTF-8 ਵਜੋਂ ਇਸ ਤਰ੍ਹਾਂ ਸੈੱਟ ਹੈ:

<meta charset=”UTF-8″ /> or <meta http-equiv=”Content-Type” content=”text/html; charset=UTF-8″>

ਮੈਂ ਭਾਸ਼ਾਵਾਂ ਨੂੰ ਡਾਇਰੈਕਟਰੀਆਂ ਵਿੱਚ ਵੱਖ ਕਰਨ ਲਈ ਆਪਣੇ ਸਰਵਰ ਨੂੰ ਕਿਵੇਂ ਸੈੱਟ ਕਰਾਂ?

ਚੰਗੀ ਖ਼ਬਰ: ਇਸ ਲਈ ਤੁਹਾਡੇ ਸਰਵਰ ’ਤੇ ਕੋਈ ਵਾਧੂ ਰੂਪ-ਰੇਖਾ ਤੈਅ ਕਰਨ ਦੀ ਲੋੜ ਨਹੀਂ!

ਡਾਇਰੈਕਟਰੀ ਨਵੇਂ ਸਿਰਿਓਂ ਲਿਖਣੀ ਇੱਕ ਬਣੀ-ਬਣਾਈ ਵਿਸ਼ੇਸ਼ਤਾ ਹੈ ਜੋ ਕਿ ਤੁਹਾਡੀ ਮੁੱਖ ਸਮੱਗਰੀ ਨੂੰ ਤੁਹਾਡੀ ਅਨੁਵਾਦਤ ਸਮੱਗਰੀ ਤੋਂ ਵੱਖ ਕਰਨ ਲਈ ਤੁਹਾਡੀ URL ਅੱਗੇ ਆਪਣੇ-ਆਪ ਭਾਸ਼ਾ ਦਾ ਕੋਡ ਜੋੜਨ ਲਈ ਵਰਡਪ੍ਰੈੱਸ ਦੀ ਕੋਰ ਕਾਰਜਕੁਸ਼ਲਤਾ ਦੀ ਵਰਤੋਂ ਕਰਦੀ ਹੈ।

ਮਿਸਾਲ ਵਜੋਂ, https://example.blog/my-first-post/ ਵਿਖੇ ਸਥਿੱਤ ਪੰਨੇ ਦੇ ਅਨੁਵਾਦਤ ਸੰਸਕਰਨ ਤੱਕ ਇਸ ਰਾਹੀਂ ਪਹੁੰਚ ਕੀਤੀ ਜਾ ਸਕਦੀ ਹੈ:

• https://example.blog/es/my-first-post/ (ਸਪੇਨੀ)
• https://example.blog/de/my-first-post/ (ਜਰਮਨ)
• https://example.blog/ru/my-first-post/ (ਰੂਸੀ)
• ਆਦਿ

ਇਸ ਪਤਾ ਮੋੜਨ ਸਬੰਧੀ ਕਿਸੇ ਮੁੱਦੇ ਤੋਂ ਬਚਣ ਲਈ ਇਹ ਪੱਕਾ ਕਰੋ ਕਿ ਤੁਹਾਡੇ ਸਰਵਰ ‘ਤੇ ਭਾਸ਼ਾਈ ਅਗੇਤਰਾਂ ਦੇ ਨਾਵਾਂ ਨਾਲ ਮੇਲ ਖਾਂਦੀਆਂ ਡਾਇਰੈਕਟਰੀਆਂ ਨਾ ਬਣੀਆਂ ਹੋਣ। ਇਸ ਤੋਂ ਇਲਾਵਾ, ਇਹ ਵੀ ਪੱਕਾ ਕਰੋ ਕਿ ਵਰਡਪ੍ਰੈੱਸ ਵਿੱਚ ਸੰਪਾਦਨਾਵਾਂ, ਪੰਨੇ, ਅਤੇ ਹੋਰ ਸਮੱਗਰੀ ਰੂਟਾਂ ਲਈ ਦੋ-ਅੱਖਰਾਂ ਵਾਲੇ ਭਾਸ਼ਾਈ ਕੋਡ ਨਾ ਵਰਤਦੀਆਂ ਹੋਣ। ਇਸ ਬਾਰੇ ਤੁਹਾਡੀ ਥੀਮ, ਤੁਹਾਡੇ ਵੱਲੋਂ ਵਰਤੀਆਂ ਜਾ ਰਹੀਆਂ ਪਲੱਗਇਨਾਂ, ਅਤੇ ਤੁਹਾਡੇ ਬਲੌਗ ਦੀ ਪੱਕੀ-ਕੜੀ ਦੀਆਂ ਸੈਟਿੰਗਾਂ ਬਾਰੇ ਵੀ ਪੁਸ਼ਟੀ ਕਰੋ।

ਕਿਤੇ ConveyThis ਮੇਰੀ ਸਾਈਟ ਨੂੰ ਸੁਸਤ ਤਾਂ ਨਹੀਂ ਕਰ ਦੇਵੇਗਾ?

ConveyThis ਅਨੁਵਾਦ ਕਦੇ ਵੀ ਤੁਹਾਡੀ ਵੈੱਬਸਾਈਟ ਨੂੰ ਸੁਸਤ ਨਹੀਂ ਕਰੇਗਾ ਕਿਉਂਕਿ ਇਸਨੂੰ ਤੁਹਾਡੀ ਸਾਈਟ ਦੀ ਸਮੱਗਰੀ ਦਾ ਅਨੁਵਾਦ ਕਰਨ ਲਈ ਕਦੇ ਵੀ ਤੁਹਾਡੀ ਸਾਈਟ ਦੇ ਡਾਟਾਬੇਸ ਤੱਕ ਪਹੁੰਚਣ ਦੀ ਲੋੜ ਨਹੀਂ ਪੈਂਦੀ!

ਕਿਉਂਕਿ ਅਨੁਵਾਦ–ਤੁਹਾਡੇ ਸਰਵਰ ਦੀ ਬਜਾਏ–ConveyThis ਸਰਵਰ ’ਤੇ ਸਾਂਭੇ ਗਏ ਹਨ, ਇਸ ਲਈ ਤੁਹਾਨੂੰ ਆਪਣੀਆਂ ਕੁਐਰੀਆਂ ਨੂੰ ਆਪਟੀਮਾਈਜ਼ ਕਰਨ, ਪੁਰਾਣੇ ਅਨੁਵਾਦਾਂ ਦੇ ਰੀਵਿਜਨਾਂ ਨੂੰ ਸਾਫ਼ ਕਰਨ, ਜਾਂ ਡਾਟਾਬੇਸ ਦੇ ਹੋਰ ਮੁੱਦਿਆਂ ਬਾਰੇ ਚਿੰਤਾ ਕਰਨ ਦੀ ਜ਼ਰੂਰਤ ਨਹੀਂ ਪਵੇਗੀ। ਇਹ ਕੰਮ ਕਰਦਾ ਹੈ!

ਮੈਂ ਰੂਪ-ਰੇਖਾ ’ਤੇ ਸਾਂਭ ਕਿਉਂ ਨਹੀਂ ਸਕਦਾ(-ਦੀ)?

ਜੇ ਤੁਸੀਂ API ਕੁੰਜੀ ਸੈੱਟ ਨਹੀਂ ਕਰ ਸਕਦੇ, ਰੂਪ-ਰੇਖਾ ਪੰਨੇ ‘ਤੇ ਭਾਸ਼ਾਵਾਂ ਨਹੀਂ ਚੁਣ ਸਕਦੇ, ਜਾਂ ਤੁਹਾਡੀ ਵੈੱਬਸਾਈਟ ਦੇ ਪੰਨਿਆਂ ਨੂੰ ਅਨੁਵਾਦ ਕਰਨ ਦਾ ਕੰਮ ਅਸਫਲ ਹੋ ਰਿਹਾ ਹੈ, ਤਾਂ ਤੁਸੀਂ ਪਲੱਗਇਨ ਦਾ ਪੁਰਾਣਾ ਸੰਸਕਰਨ ਚਲਾ ਰਹੇ ਹੋਵੋਗੇ। ਕਿਰਪਾ ਕਰਕੇ ConveyThis ਨੂੰ ਤਾਜ਼ੇ ਸੰਸਕਰਨ ਵਿੱਚ ਨਵਿਆ ਲਵੋ।

ਮੈਂ ਅਨੁਵਾਦ ਕੀਤੇ ਪੰਨਿਆਂ ਨੂੰ ਕਿਵੇਂ ਲੱਭਾਂ, ਸੋਧਾਂ ਅਤੇ ਸਾਂਭਾਂਂ?

ਆਪਣੇ ConveyThis ਖਾਤੇ ਵਿੱਚ ਲੌਗ ਇਨ ਕਰੋ ਅਤੇ “ਮੇਰੇ ਅਨੁਵਾਦ” ਟੈਬ ’ਤੇ ਜਾਓ।

ਆਪਣੇ ਅਨੁਵਾਦਾਂ ਨੂੰ ਸੋਧਣ ਲਈ, ਪਹਿਲਾਂ ਉਸ ਡੋਮੇਨ ਨਾਂ ਦੀ ਚੋਣ ਕਰੋ ਜਿਸ ਵਿੱਚ ਤੁਸੀਂ ਸੋਧ ਕਰਨੀ ਚਾਹੁੰਦੇ ਹੋ ਅਤੇ ਫਿਰ ਕੰਮ ਕਰਨ ਲਈ ਖਾਸ ਪੰਨੇ ਦਾ ਪਤਾ ਚੁਣੋ।

ਇੱਥੇ ਤੁਸੀਂ ਵਿਜ਼ੂਅਲ ਐਡੀਟਰ ਦੀ ਵਰਤੋਂ ਕਰ ਸਕਦੇ ਹੋ ਜਾਂ ਅਨੁਵਾਦਾਂ ਨੂੰ ਕਤਾਰ-ਦਰ-ਕਤਾਰ ਸੋਧ ਸਕਦੇ ਹੋ।

ਕੀ ConveyThis ਨੂੰ ਲੋਕਲ-ਹੋਸਟ ’ਤੇ ਚਲਾਇਆ ਜਾ ਸਕਦਾ ਹੈ?

ਪਲੱਗਇਨ ਦੇ ਸੰਸਕਰਨ 2.7 ਤੋਂ, ConveyThis ਦੀ ਪਰਖ localhost ਰਾਹੀਂ ਵੀ ਕੀਤਾ ਜਾ ਸਕਦੀ ਹੈ। ਇਸ ਪਲੱਗਇਨ ਦੇ ਪਿਛਲੇ ਸੰਸਕਰਨ ਸਥਾਨਕ ਤੌਰ ‘ਤੇ ਹੋਸਟ ਕੀਤੀਆਂ ਸਾਈਟਾਂ ‘ਤੇ ਠੀਕ ਢੰਗ ਨਾਲ ਕੰਮ ਨਹੀਂ ਕਰਨਗੇ।

ConveyThis ਕਿੰਨੀਆਂ ਭਾਸ਼ਾਵਾਂ ਦਾ ਸਮਰਥਨ ਕਰਦਾ ਹੈ?

ਉਪਲਬਧ ਭਾਸ਼ਾਵਾਂ ਦੀ ਗਿਣਤੀ ਤੁਹਾਡੇ ਵੱਲੋਂ ਚੁਣੀ ਹੋਈ ਯੋਜਨਾ ‘ਤੇ ਨਿਰਭਰ ਕਰਦੀ ਹੈ।

ਸਭ ਤੋਂ ਅਡਵਾਂਸ “ਪ੍ਰੋ ਯੋਜਨਾ” ਦੇ ਨਾਲ ਤੁਹਾਡੇ ਕੋਲ ਤੁਹਾਡੇ ਪ੍ਰਬੰਧ ਹੇਠ 92 ਭਾਸ਼ਾਵਾਂ ਹਨ।

ਸੰਚਾਲਤ ਕਰਨ ਲਈ ਸੰਭਾਵਤ ਭਾਸ਼ਾਵਾਂ ਦੀ ਮੌਜੂਦਾ ਗਿਣਤੀ 92 ਹੈ।

ਹਾਲਾਂਕਿ ਇਸ ਸੂਚੀ ਵਿੱਚ ਦੁਨੀਆ ਦੀਆਂ ਸਭ ਤੋਂ ਵੱਧ ਬੋਲੀਆਂ ਜਾਣ ਵਾਲੀਆਂ ਭਾਸ਼ਾਵਾਂ ਹਨ, ਬਹੁਤ ਸਾਰੀਆਂ ਦੁਰਲੱਭ ਉਪਭਾਸ਼ਾਵਾਂ ਨੂੰ ਹਾਲੇ ਸ਼ਾਮਲ ਨਹੀਂ ਕੀਤਾ ਗਿਆ ਹੈ।

ਕੀ ConveyThis ਅਨੁਵਾਦ ਮੁਫ਼ਤ ਹੈ?

ConveyThis Translate provides Free plan with 2,500 words and 1 language.

ਭੁਗਤਾਨ ਵਾਲੀਆਂ ਯੋਜਨਾਵਾਂ ਦੇ ਵਰਤੋਂਕਾਰ ਜੇ ਪਲੱਗਇਨ ਦੇ ਨਤੀਜਿਆਂ ਤੋਂ ਸੰਤੁਸ਼ਟ ਨਹੀਂ ਤਾਂ ਉਹ ਇਸਨੂੰ ਵਰਤਣ ਦੇ ਇੱਕ ਮਹੀਨੇ ਦੇ ਅੰਦਰ-ਅੰਦਰ ਆਪਣੇ ਪੈਸੇ ਵਾਪਸ ਲੈ ਸਕਦੇ ਹਨ।

ਕੀ ਮੈਂ WPML, Polylang ਜਾਂ Weglot ਅਨੁਵਾਦ ਤੋਂ ਮਾਈਗ੍ਰੇਟ ਕਰ ਸਕਦਾ(-ਦੀ) ਹਾਂ?

ਤੁਸੀਂ ਕਿਵੇਂ ਵੀ ਅਨੁਵਾਦ ਪਲੱਗਇਨ ਤੋਂ ਸੌਖਿਆਂ ਹੀ ਮਾਈਗ੍ਰੇਟ ਕਰ ਸਕਦੇ ਹੋ। ਬੱਸ ਮੌਜੂਦਾ ਪਲੱਗਇਨ ਨੂੰ ਆਪਣੇ wp-admin ਪੈਨਲ ’ਚੋਂ ਗੈਰ-ਸਰਗਰਮ ਕਰ ਦਿਉ। ConveyThis ਫਿਰ ਤੁਹਾਡੀ ਵੈੱਬਸਾਈਟ ’ਤੇ ਠੀਕ ਢੰਗ ਨਾਲ ਕੰਮ ਕਰਨ ਲੱਗ ਪਵੇਗੀ।

ਮੈਂ ਭਾਸ਼ਾ ਸਵਿੱਚਰ ਨੂੰ ਸੈੱਟ / ਇਧਰ-ਓਧਰ ਕਿਵੇਂ ਕਰਾਂ?

ਜੇ ਤੁਸੀਂ ਆਪਣੇ ਭਾਸ਼ਾ ਸਵਿੱਚਰ ਨੂੰ ਅਨੁਕੂਲਤ ਕਰਨਾ ਚਾਹੁੰਦੇ ਹੋ, ਚਾਂ ਪਹਿਲਾਂ wp-admin ਵਿੱਚ ਪਲੱਗਇਨ ਦੇ ਸੈਟਿੰਗਾਂ ਵਾਲੇ ਪੰਨੇ ’ਤੇ ਜਾਓ ਅਤੇ “ਹੋਰ ਵਧੇਰੇ ਵਿਕਲਪਾਂ” ’ਤੇ ਕਲਿੱਕ ਕਰੋ।

ਤੁਸੀਂ ਇਸਦੀ ਚੋਣ ਕਰ ਸਕਦੇ ਹੋ ਕਿ ਭਾਸ਼ਾ ਸਵਿੱਚਰ ਨੂੰ ਕਿਵੇਂ ਦਿਖਾਇਆ ਜਾਵੇ: ਚੌਰਸ ਜਾਂ ਗੋਲ ਝੰਡਾ; ਵਿੱਚ ਪਾਠ ਸਹਿਤ ਜਾਂ ਰਹਿਤ।

ਤੁਸੀਂ ਸਵਿੱਚਰ ਬਟਨ ਨੂੰ ਸੱਜੇ ਪਾਸੇ ਸਿਖਰ ‘ਤੇ ਜਾਂ ਸੱਜੇ ਪਾਸੇ ਹੇਠਾਂ ਰੱਖ ਸਕੋਗੇ। ਤੁਸੀਂ ਇਸਨੂੰ ਪੰਨੇ ਦੇ ਵਿਚਕਾਰ ਵੀ ਲਗਾ ਸਕਦੇ ਹੋ ਜਾਂ “ਹਾਸ਼ੀਏ ਤੋਂ ਵਿੱਥ” ਲੇਬਲ ਵਾਲੇ ਭਾਗ ਨੂੰ ਟਾਗਲ ਕਰਕੇ ਆਪਣੀ ਲੋੜ ਮੁਤਾਬਕ ਵਿੱਥ ਸੈੱਟ ਕਰ ਸਕਦੇ ਹੋ।

ਮੈਂ “cURL error 7: Failed to connect to api.conveythis.com port 443: Connection refused” ਨੂੰ ਕਿਵੇਂ ਹੱਲ ਕਰਾਂ?

ਕਦੇ-ਕਦਾਈਂ ਤੁਹਾਡਾ ਹੇਠਾਂ ਲਿਖੀਆਂ ਸਮੱਸਿਆਵਾਂ ਨਾਲ ਸਾਹਮਣਾ ਹੋ ਸਕਦਾ ਹੈ:

[http_request_failed] cURL error 7: Failed to connect to api.conveythis.com port 443: Connection refused

ਇਸਦਾ ਆਮ ਤੌਰ ’ਤੇ ਇਹੀ ਮਤਲਬ ਹੈ ਕਿ ਸਰਵਰ api.conveythis.com ਨਾਲ ਜੁੜ ਨਹੀਂ ਸਕਦਾ। ਸੰਭਾਵਤ ਕਾਰਨ ਫ਼ਾਇਰਵਾਲ ਜਾਂ ConveyThis ਵੱਲੋਂ ਤੁਹਾਡਾ IP ਪਤਾ ਪਾਬੰਦ ਕੀਤਾ ਹੋ ਸਕਦਾ ਹੈ।

ਪੋਰਟ 443 “https” ਹੈ, ਜਿਸ ਨੂੰ ਸ਼ਾਇਦ ਤੁਹਾਡਾ ਸਰਵਰ ਸਵੀਕਾਰ ਨਹੀਂ ਕਰ ਸਕਦਾ। ਤੁਸੀਂ ਇਸ ਦੀ ਬਜਾਏ “http” ਨਾਲ ਜੁੜਨ ਦੀ ਕੋਸ਼ਿਸ਼ ਕਰ ਸਕਦੇ ਹੋ। ਤੁਸੀਂ ਪ੍ਰਾਕਸੀ ਸਰਵਰ ਵਰਤ ਕੇ ਵੀ ਦੇਖ ਸਕਦੇ ਹੋ।

ਜੇ ਤੁਸੀਂ ਉਪਰੋਕਤ ਦੱਸਿਆ ਸਭ ਕੁਝ ਕਰਕੇ ਦੇਖ ਲਿਆ ਅਤੇ ਫਿਰ ਵੀ ਤੁਹਾਨੂੰ ਇਹ ਸਮੱਸਿਆ ਆ ਰਹੀ ਹੈ, ਤਾਂ ਸਾਡੇ ਨਾਲ support@conveythis.com ’ਤੇ ਸੰਪਰਕ ਕਰੋ।

ਜੇ ਮੈਨੂੰ ਹਾਲੇ ਵੀ ਮਦਦ ਦੀ ਜ਼ਰੂਰਤ ਹੋਵੇ ਤਾਂ ਮੈਂ ਕੀ ਕਰਾਂ?

ਜੇ ਤੁਹਾਨੂੰ ਤੁਹਾਡੇ ਸਵਾਲਾਂ ਦੇ ਜਵਾਬ ਨਹੀਂ ਮਿਲਦੇ, ਤਾਂ ਤੁਸੀਂ ਸਾਡੀ ਵੈੱਬਸਾਈਟ ‘ਤੇ ਮੌਜੂਦ ਆਨਲਾਈਨ ਸਹਿਯੋਗ ਫਾਰਮ ਦੀ ਮਦਦ ਨਾਲ ਆਪਣੇ ਕਿਸੇ ਵੀ ਸਵਾਲ ਦਾ ਜਵਾਬ ਪ੍ਰਾਪਤ ਕਰ ਸਕਦੇ ਹੋ। ਕੰਮਕਾਜ ਦਾ ਸਮਾਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸਵੇਰੇ 9 ਵਜੇ ਤੋਂ ਸ਼ਾਮ ਦੇ 6 ਵਜੇ ਤੱਕ ਪੂਰਬੀ ਮਿਆਰੀ ਸਮੇਂ ਮੁਤਾਬਕ ਹੁੰਦਾ ਹੈ।

ਤੁਸੀਂ ਸਾਨੂੰ ਇਸ ਈਮੇਲ ਪਤੇ ਰਾਹੀਂ ਸਿੱਧੀ ਈਮੇਲ ਵੀ ਭੇਜ ਸਕਦੇ ਹੋ: support@conveythis.com.

ਜੇ ਤੁਸੀਂ ਹਫ਼ਤੇ ਦੌਰਾਨ ਸਾਡੇ ਨਾਲ਼ ਸੰਪਰਕ ਕਰਦੇ ਹੋ, ਤਾਂ ਅਸੀਂ ਗਰੰਟੀ ਦਿੰਦੇ ਹਾਂ ਕਿ ਤੁਹਾਨੂੰ ਅਗਲੇ 12 ਘੰਟਿਆਂ ਅੰਦਰ ਜਵਾਬ ਮਿਲ ਜਾਵੇਗਾ ਪਰ ਜੇ ਇਹ ਸ਼ੁੱਕਰਵਾਰ ਅੱਧੀ ਰਾਤ ਤੋਂ ਪਹਿਲਾਂ ਭੇਜਿਆ ਜਾਂਦਾ ਹੈ।